Home \ Зуслан баг

Зуслан баг

1924 онд Эрдэнэ цогцолсон уулын хошуу нэртэй байгуулагдан 1930 онд хошууны зохион байгуулалтыг өөрчилж Жаргалант сум болгон 9 багтай байгуулсан 8-9-р баг одоогийн Зуслан багийн нутаг дэвсгэрт харъяалагдаж байв.

1930-1957 он хүртэл баг нэртэй байж 1958 оноос Зуслан, 2-р бригад болон өөрчлөгдөж 1992 оноос дахин баг болсон түүхтэй. Зуслан баг нь анх 1930 онд 70 өрх, 190 хүн амтай 6000 малтай байгуулагдаж байсан бол 2018 оны жилийн эцсийн тооллогоор 194 өрх, 748 хүн ам, 54005 малтай болж өргөжсөн.

Адуун чулуу, Далх-Уул, Баян-Уул, Тугалга толгой, Хангарьд уул, Шохой толгой зэрэг түүх, домогт хайрхан, Рашаант булаг, Зуслан, Хувт, Ажраг, Цуврай зэрэг тунгалаг сайхан рашаан булгуудтай.

Тус багт Гомбожав, Жамсранжав. Раднаа, О. Дамдин, Рагчаа, А. Гончиг, Ч.Минжүүр, Базар, Ц. Төмөрбаатар, Д. Бүүвэй,  Базар, Бадамдорж нар бригад, багийн Засаг даргаар ажиллаж байсан бөгөөд 1992-2012 онд М.Баярмагнай, 2012 оноос М.Сосоржав багийн Засаг даргаар сонгогдон ажиллаж байна.  

Зуслан багийн төв сумын төвөөс 22 км зайд Цагаан чулуут хэмээх газар байрлаж, Багийн ИНХ-ын даргаар Д. Дугарсүрэн, багийн хүний эмчээр Л.Уранчимэг, байгаль хамгаалагчаар М.Баярсайхан нар ажиллаж байна.